ប្រហែលជាមិនមានមនុស្សច្រើននោះទេដែលជោគជ័យលើស្នេហាដំបូង ពីព្រោះមានហេតុផលជាច្រើនដែលធ្វើឲ្យស្នេហានេះកើតឡើងនិងបែកបាក់ទៅវិញ។ ពេលខ្លះមិនមែនថាយើងមិនចង់ជោគជ័យនោះទេ តែប្រហែលវាជានិស្ស័យមកពីធម្មជាតិដែលបណ្ដាលឲ្យស្នេហានេះឆាប់ផុតរលត់ទៅវិញ ៖
១. គ្មានបទពិសោធន៍ស្នេហា
ដោយសារតែគ្មានបទពិសោធន៍ស្នេហាពីមុនមក ទើបយើងមិនសូវយល់ចិត្តដៃគូហើយ ពេលមានបញ្ហាមិនសូវចេះប្រឈមមុខ។ ម្យ៉ាងទៀតយើងអាចនឹងមើលមនុស្សខុស ព្រោះមនុស្សយើងមានការប្រែប្រួលឆាប់រហ័សណាស់ គ្មានអ្នកណាអាចស្មានដឹងនោះទេ។
២. ជាអារម្មណ៍ងុបងល់មួយឆាវ
ពេលខ្លះស្នេហាដំបូងគ្រាន់តែជាអារម្មណ៍ដែលយើងងុបងល់នឹងនរណាម្នាក់មួយពេល តែអារម្មណ៍មួយនោះក៏បាត់បង់ទៅវិញដោយគ្មានហេតុផល។ វាជាអារម្មណ៍ដែលរំភើបមួយឆាវ ដែលមានក្នុងភាពយុវវ័យ។
៣. ចិត្តខ្លាំងរៀងខ្លួនតាមនិស្ស័យយុវវ័យ
ដោយសារតែក្នុងវ័យនេះមានចិត្តមានះច្រើន ចង់ឈ្នះរៀងខ្លួន មិនចូលចិត្តនៅក្រោមនរណាម្នាក់ទើបបានជាពេលខ្លះមានអារម្មណ៍ឆាប់ធុញទ្រាន់។ មួយវិញទៀត ពីមុនមកធ្លាប់ធ្វើអ្វីដោយមិនមាននរណាហាមឃាត់ គ្មានសម្ពាធពីអ្នកក្រៅ ដូច្នេះពេលដែលមានស្នេហាយើងអាចមានអារម្មណ៍ថាបាត់បង់សេរីភាព ហើយក៏ចង់បោះបង់ទៅវិញ។
៤. ចង់ស្គាល់ ចង់យល់
ស្នេហាដំបូងខ្លះគ្រាន់តែជាការចង់ដឹងចង់ស្គាល់របស់យើងតែប៉ុណ្ណោះ វាមិនមែនចេញពីការស្រលាញ់ពិតឡើយ បន្ទាប់ពីយើងបានស្គាល់ហើយយើងក៏បោះជំហានចេញពីវាទៅ។ យើងមិនអាចនិយាយថាវាជាកំហុសអ្នកណាឡើយព្រោះវ័យដែលមនុស្សទើបនឹងធំ គឺតែងតែចង់សាកអីថ្មីជានិច្ច។
៥. ខ្វះការតស៊ូ
ប្រហែលពេលនោះយើងមិនទាន់រឹងមាំ មិនទាន់ចេះគ្រប់គ្រងជីវិតខ្លួនឯងគ្រប់គ្រាន់ ដូចច្នេះពេលដែលមានបញ្ហាកើតឡើងយើងឆាប់បោះបង់ ឆាប់ចុះចាញ់ គ្មានភាពរឹងប៉ឹងក្នុងការប្រឈមមុខ។ វាអាចមកពីយើងនៅក្មេងពេក ឆាប់ខ្លាច ហើយគ្មានគំនិតក្នុងការតស៊ូដោះស្រាយនៅពេលដែលស្នេហាមានឧបសគ្គ។
ប្រហែលជានៅមានហេតុផលជាច្រើនទៀតដែលធ្វើឲ្យយើងបោះបង់ស្នេហាលើកទី១ ប៉ុន្តែអ្វីដែលសំខាន់តើយើងទទួលបានអ្វីខ្លះពីវាក្នុងការអភិវឌ្ឍន៍ខ្លួន៕
មានចម្ងល់បញ្ចេញមតិនៅខាងក្រោម
0 comments so far,add yours
Post a Comment