ប្រសិនបើអ្នកកំពុងនៅក្នុងមនោសញ្ចេតនាមួយ តែដៃគូមិនតបស្នងនឹងអ្នកដូចអ្វីដែលអ្នកធ្វើទៅគេ អ្នកគួរតែគិតឡើងវិញចំណងស្នេហ៍នេះ ព្រោះគេអាចនឹងមិនស្រលាញ់អ្នកដូចដែលយើងគិតទេ។ ហើយខាងក្រោមនេះគឺជាទង្វើបង្ហាញពីភាពមិនអើពើរបស់គេ។
១. បាត់មុខរាប់អាទិត្យ ហើយបង្ហាញខ្លួនដូចគ្មានអ្វីកើតឡើង
មិនដឹងមកពីហេតុផលអ្វី ស្រាប់តែគេបាត់ខ្លួនឈឹងអស់មួយរយៈពេល។ យើងខំគិតថាមកពីគេរវល់ គ្មានពេលសម្រាប់យើង តែតាមការពិត ក្នុងរយៈពេលនោះគេមិនដឹងឡើយថា គេធ្វើអី ជាមួយអ្នកណានៅទីណានោះឡើយ។ បើអ្នកស្រលាញ់យើងពិត គេនឹងប្រាប់ថាគេទៅណាហើយ។
២. អត់ចង់ជួបមុខផ្ទាល់
អ្នកទាំង២ជជែកគ្នាតាមអ៊ីនធឺណិតអស់រយៈជាយូរមកហើយ តែមិនទាន់បានជួបមុខខាងក្រៅសូម្បីមួយដង។ មិនដឹងហេតុអីគេមិនចង់ជួបយើង? អាចជាគេកំពុងនៅអៀន ហើយក៏អាចថា កម្រិតមនោសញ្ចេតនាគេមានសម្រាប់អ្នកនៅមានកម្រិតនៅឡើយ។
៣. មិនណែនាំអ្នក ឲ្យមិត្តភ័ក្ដិ និងគ្រួសារគេស្គាល់
បង្ហាញឲ្យឃើញថាអ្នកមិនសំខាន់សម្រាប់គេ។ បុរសនោះមិនចង់ឲ្យគ្រួសារគេគិតថាអ្នកទាំង២កំពុងស្រលាញ់គ្នា។ ហើយគេក៏មិនចង់ច្បាស់ការជាមួយអ្នកដែរ ពេលគេមិនមិត្តភ័ក្ដិគេស្គាល់យើងនោះ។
៤. មិនចង់និយាយពីអនាគត
គេគ្មានគម្រោងអ្វីសម្រាប់អ្នកទាំង២សម្រាប់ថ្ងៃអនាគតទាល់តែសោះ។ មានន័យថា គេមិនចង់ដើរផ្លូវឆ្ងាយជាមួយយើងឡើយ គេអាចចាត់ទុកយើងជាអ្នកកំដរអារម្មណ៍តែមួយឆាវក៏ថាបាន។
៥. អ្នកមានសិទ្ធិបង្ហាញខ្លួនតែពេលគេត្រូវការ
ខណៈគូស្នេហ៍ស្រលាញ់គ្នាពិតប្រាកដ អាចណាត់គ្នាដើរលេងពេលណាក៏បាននោះ ចំពោះអ្នករឿងនេះហាក់ពិបាកខ្លាំងណាស់ ព្រោះគេជាកំណត់ពេលដែលអ្នកទាំង២អាចជួបគ្នាបាន។ បើគេថាមិនអាចជួប អ្នកមិនអាចជួបបានឡើយ៕
មានចម្ងល់បញ្ចេញមតិនៅខាងក្រោម
0 comments so far,add yours
Post a Comment