រយៈពេលប៉ុននេះគឺលើសពីគ្រប់គ្រាន់សម្រាប់ទឹកភ្នែក ភាពនឿយហត់ នឹងការអស់ជំនឿចិត្តលើអ្នកហើយ។ ឆ្នាំថ្មីក៏មកដល់ហើយ ដល់ពេលដែលត្រូវបោះបង់ចោល ហើយដើរបន្តទៅមុខហើយ។
ក្នុងរឿងមនោសញ្ចេតនា អាចនិយាយបានថា កំហុសដែលធំបំផុតនោះគឺ នៅតែតោងទាមមនុស្សដែលអត់ចិត្ត ទោះបីជាគេធ្វើអាក្រក់ដាក់យើងយ៉ាងណាក៏ដោយ ទាំងដែលអ្វីដែលយើងទទួលបានមានតែទឹកភ្នែក។ យើងពិបាកចិត្ត តែដោយមូលហេតុណាមួយ យើងមិនអាចបោះបង់ចោលបាន។
ពេលវេលាកន្លងផុតទៅ យើងអាចលើកលែងឲ្យគេយ៉ាងងាយស្រួល លាក់បាំងកំហុសទាំងឡាយរបស់គេ ហើយគិតថាយើងអាចបំពេញចន្លោះខ្វះខាតទាំងនោះបាន។ យ៉ាងណាក៏ដោយ ឆ្នាំថ្មីក៏ចូលមកដល់ហើយ ត្រូវធ្វើចិត្តក្លាហានដើម្បីដោះដៃចេញពីចំណងភាពដែលតុកស៊ិកនាំមកតែការឈឺចាប់ឲ្យទាល់តែបាន ដើម្បីទទួលបានសុភមង្គលដែលយើងសមតែមាន។
ដាច់ឆ្នាំចាស់ ឈានចូលឆ្នាំថ្មី បិទទំព័រខ្មៅងងឹតនោះហើយ បើកទំព័រដ៏ភ្លឺស្វាងថ្មីក្នុងជីវិត ហើយដើរលើវិថីដែលក្រាលដោយផ្កាកូឡាបរបស់យើង។
រយៈពេលដែលចំណាយលើមនុស្សម្នាក់ដែលដឹងច្បាស់ថា នឹងមិនតបមនោសញ្ចេតនាយើងមកវិញនោះគឺគ្រប់គ្រាន់ហើយ។ ហើយទុកពេលរកមនុស្សដែលនឹងនាំមកភាពសប្បាយដល់យើងវិញ។ អ្នកនោះអាចនឹងខែក្រោយ ឬឆ្នាំក្រោយទើបបានជួប ឬស្អែកចេញក្រៅភ្លាមក៏បានជួបភ្លាមក៏ថាបាន ស្ដាប់មើលទៅដូចជាស្រពិចស្រពិលណាស់ តែអ្នកនឹងជួបជាក់ជាមិនខាន។
ស្នេហាគឺត្រូវកើតឡើងរវាងមនុស្សជាមួយមនុស្ស មិនមែនមនុស្សនឹងខ្ទឹមបារាំងនោះទេ។ មានឯណាយកគ្នាហើយ មកទឹកភ្នែករាល់ថ្ងៃនោះ។ ប្រសិនបើឆ្នាំថ្មី អត់ទាន់មានអ្នកជូនពរអ្នក ឲ្យរកបានមនុស្សដែលត្រូវចិត្តទេនោះ អីចឹងខ្លួនឯងជូនពរខ្លួនឯងទៅ ព្រោះសុភមង្គលគឺស្ថិតលើយើងខ្លួនឯងជាអ្នកសម្រេច៕
មានចម្ងល់បញ្ចេញមតិនៅខាងក្រោម
0 comments so far,add yours
Post a Comment