មនុស្សស្រីប្រាកដជាចង់ស្ដាប់ពាក្យថា "តើអូនព្រមរៀបការជាមួយបងទេ" ហើយបើឮមែននាងមិនបង្អង់យូរ នឹងឆ្លើយ "Yes” ជាមិនខាន តែនោះជាក្ដីរំពឹងរបស់មនុស្សស្រីតែម្ខាងប៉ុណ្ណោះ។ ដូចនេះគួរធ្វើយ៉ាងណា បើសង្សារដែលស្រលាញ់គ្នាជិត ១០ ឆ្នាំហើយ បែរជាមិនសុំអ្នករៀបការសោះ?
១.ប្រាប់គាត់ថាអ្នកមានត្រៀមខ្លួនរួចហើយ
នារីមួយចំនួនប្រាកដជាអៀន មិនហ៊ានសួរចំៗឡើយ។ តែអ្នកអាចប្រាប់ទៅដៃគូបានថា អ្នកបានត្រៀមខ្លួនរួចជាស្រេច ដើម្បីធ្វើជាមេផ្ទះមួយរូប។
២.និយាយបែបបញ្ឆិតបញ្ឆៀង
បើមិនហ៊ានហាមាត់សួរគាត់ចំៗ ឬក៏ប្រាប់គាត់ថាអ្នកបានត្រៀមខ្លួនរួច ដើម្បីរៀបការទេនោះគួរតែប្រើវិធីសួរបែបបញ្ឆិតបញ្ឆៀងវិញ។ ពេលឃើញគ្រួសារអ្នកដទៃមានក្ដីសុខ អ្នកគួរតែនិយាយបញ្ឆិតបញ្ឆៀងថា «ចង់បានគ្រួសារដ៏កក់ក្ដៅដូចគេ» ឬនិយាយថា «បើនោះជាគ្រួសារយើងវិញ អូននឹងធ្វើឲ្យមានសុភមង្គលជាងនេះទៅទៀត»។ សម្ដីបែបនេះប្រុសៗប្រាកដជាយល់ហើយ។
៣.ត្រូវមើលកាលៈទេសៈដែរ
ត្រូវចាំថាមុននឹងនិយាយអ្វី គួរមើលពីស្ថានភាពគ្រួសារ និងដៃគូជាមុនសិន។ បើគេកំពុងតែមានបញ្ហាហិរញ្ញវត្ថុ ឬជួបទុក្ខធំក្នុងផ្ទះមិនគួរនិយាយអ្វីឡើយ តែអាចប្រាប់គាត់បានថា អ្នកពិតជាចង់ក្លាយជាចំណែកមួយក្នុងគ្រួសារគាត់ ដើម្បីបានចែករំលែករឿងទាំងឡាយបាន។
៤.មើលលើខ្លួនឯងជាមុនសិន
ពិនិត្យលើខ្លួនឯងឲ្យច្បាស់សិន មុននិយាយថាចង់រៀបការ ព្រោះមនុស្សប្រុសក៏អាចមើលដឹងថាអ្នកសក្ដិសមជាភរិយាគេហើយ ឬនៅ។ ពេលខ្លះគេអាចរង់ចាំឲ្យអ្នកមានគំនិតចាស់ទុំជាងនេះ ព្រោះបើទាក់ទងគ្នាមកយូរហើយ អាយុក៏មិនក្រោម ៣០ ឆ្នាំ។ បុរសវ័យប៉ុណ្ណោះមានភាពចាស់ទុំខ្លាំងណាស់ បើគេចង់មានថ្មី ក៏មានយូរដែរហើយ៕
មានចម្ងល់បញ្ចេញមតិនៅខាងក្រោម
0 comments so far,add yours
Post a Comment