មនុស្សស្រីមានអ័រម៉ូនដែលជំរុញឲ្យមានការប្រែប្រួលនៃអារម្មណ៍ខ្លាំង។ ជួនកាលទៅក៏មិនសប្បាយចិត្តគ្មានហេតុផល ហើយជួនកាលទៀតក៏សប្បាយចិត្ត ហើយនិយាយលេងបញ្ចេញយោបល់ច្រើនជ្រុល។ ជាពិសេសពេលបាននៅជុំមិត្តភក្តិ ចូលចិត្តនិយាយពីនេះពីនោះហើយចូលដល់និយាយរឿងដែលមិនគួរ និយាយទាំង៥ចំណុចនេះ៖
១. គំនិតផ្ទាល់ខ្លួន
ពេលសប្បាយចិត្តស្រីៗតែងតែបញ្ចេញទស្សនៈ ផ្ទាល់ខ្លួនអំពីគ្រួសារ បែបបទជីវិតទៅលើ មិត្តភក្តិ របស់ខ្លួនដែលកំពុងតែអង្គុយជាមួយខ្លួននោះ។ ពេលនិយាយត្រូវគ្នាមិនជាអ្វីទេ តែអ្នកមិនគួរចេះដឹងរឿងគ្រួសារគេអញ្ចឹងទេ ទោះបីជាដំបូន្មានល្អក៏ដោយ។ ព្រោះពេលរំសាយក្រុម គេនិងមានគំនិតគុំនិងអ្នក។ ម៉្យាងទៀតទោះអ្នកប្រាប់ក៏មិនបានប្រយោជន៍អ្វីដែរ មានតែធ្វើឲ្យមិត្តភក្តិដទៃ ពេបជ្រាយអ្នកតែប៉ុណ្ណឹង។
២. ធ្វើល្អបានផលល្អហើយ មិនចាំបាច់ដើរប្រាប់គេទេ
រឿងមួយទៀតគឺរាល់អំពើល្អរបស់អ្នកបានធ្វើកន្លងមក ទោះមានអ្នកឃើញឬមិនឃើញ គួររក្សាភាពស្ងប់ស្ងាត់ ដោយមិនគួររំលឹក ឬផុសក្នុងបណ្ដាញផ្សព្វផ្សាយនូវរាល់ការងារដែលអ្នកបានជួយដល់អ្នកដទៃនោះទេ។ ព្រោះអ្នកដឹងគេប្រាកដជាគោរពអ្នក តែបើអ្នកខំប្រកាសយ៉ាងនេះគេច្បាស់ជាយល់ថាអ្នកជួយដោយមានបំណងផ្សេង ទាំងដែលវាមិនមែនជាការពិត។
៣. អ្នកមិនគួរនិយាយពីផែនការនិងគោលបំណងការងារប្រាប់អ្នកដទៃឡើយ
គម្រោងការនៅថ្ងៃអនាគត ឬផែនការការងារផ្សេងៗ គួរកុំប្រាប់អ្នកណាព្រោះអ្នកផ្សេងអាចចំលងពីអ្នក ហើយធ្វើបានល្អជាងអ្នក។ បើប៉ះចំមិត្តមានគំនិតអាក្រក់ទៀតនោះ គឺពួកគេអាចរកវិធីរារាំងគម្រោងផែនការរបស់អ្នកក៏ថាបាន។ ត្រូវចាំថាមិត្តភ័ក្ដិភាគច្រើនគឺសប្បាយចិត្តនៅពេលយើងជោគជ័យ ប៉ុន្តែពួកគេមិនប្រាកដថាសប្បាយចិត្តនឹងឃើញយើងជោគជ័យលើសពួកគេនោះឡើយ។
៤. មិនត្រូវប្រាប់ពីជីវិតឯកជនផ្ទាល់ខ្លួនឡើយ
អ្នកមិនគួរចែករំលែក ឬនិយាយប្រាប់ជីវិតឯកជនរបស់ខ្លួនដូចជា រឿងផ្លូវភេទ, សាសនា, ផ្នត់គំនិត ឬបែបបទជីវិត របស់អ្នកទៅអ្នកណាឡើយ។ វាដូចជាប្រាប់ចំណុចខ្សោយខ្លួនឯងដូច្នេះដែរ។ ម៉្យាងទៀតអ្នកមិនដឹងថា មនុស្សដែលអ្នកប្រាប់នោះគេមានការគិតដូចអ្នកឬអត់ផង។ ដូច្នេះគួរកុំនិយាយដល់ចំណុចទាំងនោះ។
៥. កុំញ៉ាំត្រាវដល់រឿងគ្រួសារឯង
ជាគ្រួសារតែមួយទោះមានពេលខ្លះល្អ ឬអាក្រក់ ដាច់ខាតមិនត្រូវនិយាយប្រាប់អ្នកដទៃនោះឡើយ ព្រោះវាដូចហែកសំពត់ខ្លួនឯង ព្រោះគ្មានអ្នកណាខ្មាសគេជួសយើងខ្លួនឯងទេ។ ដូច្នេះត្រូវចេះកាន់ជើងគ្នា ឲ្យតម្លៃទៅគ្នាទើបគ្រួសារមានសុភមង្គល ហើយអ្នកដទៃខ្លាចរអា ៕
មានចម្ងល់បញ្ចេញមតិនៅខាងក្រោម
0 comments so far,add yours
Post a Comment