ខ្លាចអេ ប្រញាប់ការ ការដោយសារខ្លាចសម្ដីអ្នកផង ខ្ញុំមិនចង់ដូចនេះទេ។ មួយជីវិតនេះ រឿងមង្គលការគឺសំខាន់ខ្លាំងណាស់ ខ្ញុំមិនចង់ដោយសារតែអ្នកដទៃ ធ្វើឲ្យខូចជីវិតខ្លួនឯងទាំងមូលទេ។
វាមិនមែនជារឿងងាយស្រួលទេដែលឃើញប៉ាម៉ាក់ព្រួយបារម្ភពីរឿងប្ដីសីរបស់ខ្លួនរាល់ថ្ងៃនោះ។ ក្នុងវ័យ៣០ឆ្នាំ វ័យដែលត្រូវសង្គមយើងចាត់ទុកថាគួរតែមានគ្រួសារហើយនោះ សម្ពាធនេះកាន់តែធ្ងន់លើសដើម។ ខណៈពាក្យសម្ដីអ្នកផង សួរនាំកាលណាមានប្ដី មានសង្សារឬនៅ ប្រុសនៅព្រៅឬយ៉ាងម៉េច ធ្វើឲ្យខ្ញុំឈឺក្បាលនោះ ភាពព្រួយបារម្ភនៅលើមុខរបស់ប៉ាម៉ាក់ទើបជាកត្តាដែលធ្វើឲ្យខ្ញុំពិបាកចិត្ត។
ខ្ញុំដឹងថា ខណៈមិត្តភ័ក្ដិខ្ញុំអ្នកខ្លះការហើយ រហូតដល់មានកូនហើយទៀតនោះ ប៉ាម៉ាក់ក៏ចង់បានចៅបីខ្លាំងណាស់ដែរ។ ហើយអត្រានៃសំនួរ "កាលណាយកប្ដី" ក៏កើនឡើងតាមនោះដែរ។ តែសូមម៉ាក់ទុកឲ្យខ្ញុំបានដកដង្ហើមតាមសម្រួល និងជ្រើសយកគូស្រករដោយខ្លួនឯងផង។
ខ្ញុំក៏ចង់ដូចមិត្តភ័ក្ដិដទៃ រកឃើញមនុស្សដែលខ្ញុំស្រលាញ់ពិតប្រាកដហើយនៅក្បែរគ្នាមួយជីវិតដែរ តែហាក់គូមិនទាន់មកដល់ ទើបមកទល់ពេលនេះខ្ញុំនៅតែកណ្ដោចកណ្ដែងទៅមកតែម្នាក់ឯង។ តែខ្ញុំគិតថា យកប្ដីយឺតប្រសើរជាងយកប្ដីខុសដែរម៉ាក់។
មានពេលខ្លះ ឯកាណាស់ ទន់ខ្សោយណាស់ ចង់តែរត់ទៅផ្ទះហើយបានយំនៅក្នុងទ្រូងម៉ាក់ ហើយប្រាប់ថាជីវិតនៅខាងក្រៅនោះសម្ពាធខ្លាំងណាស់ ខ្ញុំទ្រាំជិតលែងបានហើយ។ ពេលខ្លះខ្ញុំក៏ចង់បានស្មាបង្អែកមួយគ្រាន់ទុកដើម្បីលួងលោមគ្នារាល់ពេលជួបការលំបាកដែរ តែបើមិនទាន់ជួបត្រូវមនុស្ស ឲ្យខ្ញុំធ្វើម៉េចទៅ?
ខ្ញុំគិតថា អនាគតប្ដីខ្ញុំកំពុងរង់ចាំខ្ញុំ ហើយខ្ញុំក៏កំពុងចាំគាត់ដែរ។ ខ្ញុំដឹងថាប៉ាម៉ាក់នឹងយល់ពីកូនម្នាក់នេះ ហើយឈប់រំអុកតទៀត ព្រោះខ្ញុំនឹងរកឃើញសុភមង្គលរបស់ខ្លួននៅពេលខាងមុខ ៕
មានចម្ងល់បញ្ចេញមតិនៅខាងក្រោម
0 comments so far,add yours
Post a Comment